حسن إسماعيل يكتب : نتشة

الخرطوم : الراية نيوز

حسن إسماعيل يكتب :

نتشة

– ترحيب حميدتي بمشروع مسودة دستور لجنة نقابة (الشنو كده ماعارف) لا يعدو أن يكون مثل ترحيب البرهان بمبادرة الطيب الجد (وبكل المبادرات) فهو شيك بلا توقيع على مصرف لم يتم افتتاحه بعد لشراء سمك في البحر الميت !!
– المكون العسكري مستمتع بمزاد المبادرات و(حبيبي اكتب لي وداك برضو يكتب لي) !! و…(الجمل ماشي والمبادرات تنبح) …. إلا حدو قريب !!
– قحط اللذيذة زمان عملت نظام سياسي بلا دستور … الآن بتعمل في دستور بلا نظام سياسي 😅 وحميدتي يبارك قبل أن يقرأ !!! لاحق شنو ؟ يبارك وبعدين يقرأ !!
– موولد وكهربتو قاطعة
– و……
– حي قيوم ،،،،، حي قيوم
– وحجيتكم ما بجيتكم … العقرب قالت للضفدعة عليك الله قطعيني البحر فوق ضهرك ده … الضفدعة قالت ليها … وكان لدغتينى كمان …. العقرب قالت ليها قولي بسم الله ألدغك عشان أغرق معاك؟ الضفدعة اعتبرت ده رد منطقى وضمان كافي …. المهم في نص البحر العقرب قام عليها جنها وحرقها سمها فلدغت الضفدعة …. وقتلتا وغرقوا سوا …. وأسى ليهم تلاتة سنة مطفحين ….. والبحر قاااعد في (علياء) ويضحك !!!!!
– قلت لي دستور المطفحين والمباركين
– سجم شدييد !!

12/9/2022