بالفيديو البرنس هيثم مصطفي يشن أعنف هجوم على حمدوك وثنائي لجنة التمكين

الخرطوم:الرآية نيوز

وجه كابتن السودان البرنس هيثم مصطفي في برنامج (ملعب البرنس) إنتقادات تعتبر الاعنف لحمدوك وثنائي لجنة التمكين صلاح مناع وجدي صالح في ثلاث رسائل.

رسالة إلي حمدوك:

قال حسب وصفه(انا ما اتكلمت كتير في الكورة لانو وانا لاعب في الهلال كان في لافته مكتوب فيها الله الوطن الهلال اللافته دي علمتني ربنا ودينا ووطننا ،وطنا بيعاني وطنا مجروح عايش الم ،انا شوفت فيديو لي حمدوك بتكلم عن كباية الشاي وحينها قال حمدوك مبررا رفع الدعم لو زول ساكن الثورة عايز يشرب كباية شاي مع زول في الصحافة لو دفع الوقود بي سعرو الحقيقي حيفكر قبل يمشي ..قال البرنس في رسالته لحمدوك كباية الشاية حاليا بقت مافي الزول ما بمشي لانو ما بقدر يستقبلك ما بقدر يقدم ليك كباية مويه وكلو بي سببك جوعتو الناس ذلتيهم من يوم جيتو خذلتونا الطلبة سارقين السكر والزيت ما سرقو قروش الناس جاعت قال الحكومة ما بتقدر توفر تلاته سلع مع بعض )

رسالة إلي صلاح مناع:

قال البرنس شوفت فيديو لصلاح مناع وحولينو خمستاشر نفر في فيديو مستفز يهتفوا كلنا مناع وبتاع قال ليهو مناع مين والناس جعانيين انا اتحداك اجيب ليك الف نفر نفس يهتفوا انتو تمشوا )

رسالة إلي وجدي صالح:

اي فاسد او مجرم يتحاسب لكن الدراما اكتر من اللازم مافي داعي ليها انا هيثم مصطفي بقول ليك حاجه انت كذاب شابكنا دولارات وبتاع انا في الاول صدقته لكن انت كذاب امشي اشتكيني)

شاهد فيديو البرنس هيثم مصطفي( كامل)